ئەسسالامۇ ئەلەيكۇم, ئۇيغۇر كىتاب تور بېكىتىگە خوش كەپسىز
دەرسلىك كىتابلار
پەلسەپە، پىسخولوگىيە ۋە لوگىكا
ئۇنىۋېرسال ئەسەرلەر
ئەدەپ ـ ئەخلاق، پەندى ـ نەسىھەت
تېبابەت ۋە ساغلاملىق
ئارخېئولوگىيە
ياش-ئۆسمۈرلەر
قانۇن-سىياسەت
بېكەت ھەققىدە

ئەسسالامۇ ئەلەيكۇم كىتابخومار قېرىندىشىم!

ئۇيغۇر كىتاب (www.uyghurkitap.com) تور بېكىتىگە كەلگەن قەدىمىڭىز مۇبارەك بولسۇن، قەدىمىڭىزدىن گۈللەر ئۈنسۈن.

ئۇيغۇر كىتاب تور بېكىتى (www.uyghurkitap.com)نىڭ ئادرېسى بۇندىن 4-5 يىللار بۇرۇن ئېلىپ قويۇلغان. ئەمما نەچچە قېتىم پىلان تۈزۈلگەن ۋە تىرىشچانلىق كۆرسىتىلگەن بولسىمۇ ھەرخىل سەۋەبلەر تۈپەيلى پىلان ئەمەلگە ئاشماي كەلگەن ئىدى. تەخمىنەن بىر ئاي بۇرۇن قايتا ئويلۇشۇپ، مۇھاجىرەتتە ياشاۋاتقان قېرىنداشلىرىمىز​نىڭ چەتئەللەردە مەۋجۇدىيىتىمىزنى ۋە ئانا تىلىمىزنى ساقلاپ قېلىشىمىز ئۈچۈن ئەڭ مۇھىم قۇرالنىڭ ئۇيغۇرچە ئەسەرلەرنى داۋاملىق ئوقۇپ تۇرۇشىمىز ئىكەنلىكىنى كۆزدە تۇتۇپ ئۇيغۇر كىتاب تور بېكىتىنى «ئۇيغۇرچە كىتابلارنىڭ يېڭى ۋە مەڭگۈلۈك ئادرېسى» شۇئارى بىلەن ئېچىۋېتىشنى قارار قىلدۇق.

شۇنىڭ بىلەن جىددى تۇتۇش قىلىپ، قىسقىغىنە ۋاقىت ئىچىدە بېكەت سىستېمىسى تۈزۈش، ماتېرىيال مەنبەسى تۇلۇقلاش قاتارلىق تەييارلىقلار تاماملىنىپ 2018-يىلىنىڭ كىرىشى بىلەن كەڭ كىتابسۆيەرلەرنىڭ پايدىلىنىشىغا ئېچىۋېتىلدى.

ئۇيغۇر كىتاب تور بېكىتىمىزنىڭ سەدىقە جارىيە قاتارىدا قۇبۇل قىلىنىشىنى، ئۇيغۇر مۇسۇلمانلىرى ئۈچۈن خەيىرلىك بولۇشىنى، سەپىرىنىڭ ئىزچىل، يولىنىڭ ئاق بولۇشىنى ئۇلۇغ ئاللاھدىن سورايمىز.

ئۇيغۇر كىتاب (www.uyghurkitap.com) تور بېكىتىنىڭ ئالاھىدىلىكى:

- كىتابلارنى تۈرلەر بويىچە ئىزدەپ تېپىش

- ئەزالارنىڭ قوللىرىدىكى ئەسەرلەرنى ھەمبەھىرلىيەلىشى،

- ئىزچىللىقى ۋە داۋاملىق يېڭىلىنىپ تۇرۇشى،

- ئېچىلىش سۈرئىتىنىڭ تېزلىكى،

- كۆرۈنمە يۈزىنىڭ كۆركەم ھەم ئۆزگىچىلىكى،

- مەزمۇنلىرىنىڭ يېڭىلىنىش سۈرئىتىنىڭ تېزلىكى،

قاتارلىق ئۆزگىچىلىكى بىلەن مۇھاجىرەتتىكى قېرىنداشلىمىزنىڭ مەنىۋى ئېھتىياجىنى قاندۇرۇشىغا ئازراق بولسىمۇ تۆھپە قوشالىسا مەقسىدىگە يەتكەن بولىدۇ.

ئۇيغۇر كىتاب تور بېكىتى، ئۇزۇنغا قالماي ئۆز خاسلىقى بىلەن تەشنا يۈرەكلەرگە زەمزەم بولۇپ، ئۆز ساھەسىدە غوللۇق ئېلكىتاب ئامبىرى بولۇپ قالغۇسى ۋە خەلقىمىزنىڭ بۇ ساھەدىكى ئېھتىياجىنى قاندۇرۇشىغا ۋاسىتە بولغۇسى.

ئۇيغۇر كىتاب (www.uyghurkitap.com) تورىنىڭ ئىزچىل تەرەققىي قىلىپ، خەلقىمىزنىڭ مەنىۋى ئېھتىياجىنى قامدىشىغا ۋەسىلە بولۇش ئۈچۈن سىزمۇ قولىڭىزدىكى قىممەتلىك ئەسەرلەرنى pdf قىلىپ uyghurkitap.com@gmail.com ئىلخەت ئادرېسىغا يوللاپ بىرىڭ ياكى تور بېكىتىمىزگە ئەزا بولۇپ، ئۆزىڭىز يوللىۋېتىڭ.

(ئەسكەرتىش: ئەزالار يوللىغان ئەسەرلەر تەستىقتىن ئۆتكەندىن كېيىن كۆرۈنىدۇ).

تىرىشچانلىق بىزدىن، مۇۋەپپەقىيەت ئاللاھتىندۇر.

ھۆرمەت بىلەن:

ئۇيغۇر كىتاب (www.uyghurkitap.com) تور بېكىتى